23/06/2022

Nova web, novo podcast

Hoxe presentamos, aproveitando a publicación do primeiro episodio de Nada de opinión, a nosa nova páxina web e as nosas redes sociais en Facebook, Twitter e Instagram.

O lume novo que se acende na Galiza cada 23 de xuño ten sempre unha carga de purificación e novo comezo (ou final) marcado polo solsticio de verán e por máis de dous mil anos de celebración e evolución cultural até as múltiples características diferenciais e tradición que hoxe gozamos en boa parte do país.

Rodeados desta conxunción perfecta -e festiva-, queremos dar un paso adiante e presentar o primeiro do que agardamos serán moitos episodios analizando calquera cuestión que sexa de interese para a sociedade galega, co que consideramos, son os ingredientes perfectos: sen présa pero con pausa, sen opinión pero con argumentos e datos, e sempre da man das persoas expertas en cada campo.

Son variados os motivos que nos levan a impulsar este programa, mais se tivéramos que escoller un, optariamos por ser quen de achegar o noso gran de area para que as persoas que nos escoitan conten co contexto e maila información para definir a posición que consideren máis axeitada en calquera cuestión, para nós, as decisións formadas e conscientes son, con moita diferenza, as mellores decisións.

Deixa unha resposta

O teu enderezo electrónico non se publicará

Scroll to top